Наврўз арафасида Бухоро вилоятида Ўзбекистон Республикаси Миллий гвардияси сафида хизмат қилаётган 30 нафар ҳарбий хизматчилар янги уй соҳибларига айланди, деб хабар берди Миллий гвардия матбуот хизмати.
Шу муносабат билан ташкил этилган тадбирда Бухоро вилояти ҳокими – ҳарбий маъмурий сектор раҳбари, Ўзбекистон Республикаси Сенат аъзоси Ўктам Барноев, Ўзбекистон Республикаси Миллий гвардияси қўмондони ўринбосари Шуҳратжон Шокиров, Миллий гвардия ҳарбий хизматчилари, уларнинг оила аъзолари, яқинлари ҳамда жамоатчилик вакиллари иштирок этди.
«Наврўз айёми арафасида бизга ва оила аъзоларимизга қўшалоқ қувонч бахш этган бугунги унутилмас кун ҳаётимдаги энг қимматли совға бўлди дея оламан. Албатта, бу эътибор биз ҳарбий хизматчиларга билдирилаётган ишончдан далолатдир. Биз ҳам ўз ўрнида зиммамиздаги масъулиятни ҳис қилган ҳолда, Юртимиз тинчлиги ва равнақи учун бор имкониятларимизни сафарбар қиламиз», – дейди подполковник Ойбек Қурбонов.
Хушовоз хонандаларнинг шўх куй-қўшиқлари нафақат тадбир иштирокчилари балки бутун маҳаллага байрамона кайфият улашди, дейилади хабарда.
Изоҳ (0)