Шимолий Кореянинг ташвиқотчи ОАВлари Сеулнинг ҳарбий машқлар ўтказиш ниятини қоралади ва ўз режаларини қайта кўриб чиқишга чақирди. Бу ҳақда «Интерфакс» хабар берди.
Шимолий Корея ОАВларининг ёзишича, жорий йилда Жанубий Кореянинг ҳарбий провокацияси кескинлашган бўлиб, Пханмунжон ва Пхеньянда қабул қилинган декларацияга хиёнат ҳисобланади.
Уларнинг айтишича, икки Корея давлатлари ўртасидаги муносабатларнинг бузилмаслиги учун Сеул ўзининг барча ҳарбий машқларини тўхтатиши лозим.
Жанубий Корея май ойининг охирларида америкалик аскарлар иштирокисиз Ulchi Taegeuk ҳарбий машқларини ўтказишни режалаштирган.
АҚШ ҳам кейинги ойда ҳар йили ҳамкорликда бўлиб ўтадиган ҳарбий машқларга ҳеч қандай қўшин ёки техникалар юбормасликка қарор қилган.
Бу Шимолий Корея билан давом этаётган музокараларни енгиллаштириш мақсадида ўтказаётгани тахмин қилинмоқда.
Изоҳ (0)