16 март куни Соғлиқни сақлаш вазирлиги томонидан мамлакат бўйлаб Республика юриш марафони ташкил этилди. Бу ҳақда «Дарё»га Соғлиқни сақлаш вазирлиги матбуот хизмати хабар берди.
Марафон Президентнинг ўтган йил 18 декабридаги «Юқумли бўлмаган касалликларнинг профилактикасини, соғлом турмуш тарзини қўллаб-қувватлаш ва аҳолининг жисмоний фаоллиги даражасини ошириш чора-тадбирлари тўғрисида»ги қарорида белгиланган вазифалар ижросини таъминлаш ҳамда аҳоли орасида соғлом турмуш тарзини кенг тарғиб этиш мақсадида ўтказилди.
Тошкентнинг Миллий стадионида Соғлиқни сақлаш вазири Алишер Шодмонов бошчилигида бошланган марафонда вазирлик марказий аппарати ходимлари, тизимдаги муассасалар раҳбарлари, тиббиёт олий ўқув юртлари ректорлари ҳам иштирок этди.
Шунингдек, тадбирда таниқли санъаткорлар, маданият намоёндалари чиқиш қилган.
Изоҳ (0)