Шимолий Корея ОАВларининг ёзишича, АҚШ Пхеньяннинг санкцияларни қисман бекор қилиш таклифини қабул қилиши лозим. Эвазига Йонбендаги Шимолий Корея ядро объектлари демонтаж қилинади, деб ёзади «Интерфакс».
«Биз таклиф қилган ядродан ҳоли қилиш бўйича қадамлар ва шунга мувофиқ санкцияларни юмшатиш тўғрсидаги талаблар АҚШ ҳукумати позицияси ва талабини етарлича акс эттирган. Бундан яхшироқ йўл бўлиши мумкин эмас», — дейилади Шимолий Корея ОАВларида чоп этилган мақолада.
Қайд этилишича, Ханойда бўлиб ўтган саммит Шимолий Кореяга жаҳон ҳамжамиятининг қарама-қаршиликни тугатиш бўйича талабини бажаришда қатъиятни намойиш этиш учун имконият бўлган.
«Биз ядродан бутунлай ҳоли этиш борасидаги ўз позициямизда мустаҳкам қоламиз», — деб таъкидланган мақолада.
Шу билан бирга, Шимолий Кореянинг The Rodong Sinmun расмий газетаси мамлакат аҳолисини ўз-ўзини таъминлаш ва модернизация қилишга эътиборини қаратишга чақирган.
2018 йилнинг май ойида Шимолий Корея чет эллик журналистлар иштирокида Пунгери ядро полигонини йўқ қилган. Пунгери Шимолий Кореядаги йирик ядро полигони бўлган.
Йонбен Шимолий Кореядаги 1964 йилда ташкил этилган йирик ядро объект. АҚШ ва Шимолий Кореянинг иккинчи саммити якунида Шимолий Корея томони Пхеньяннинг халқаро санкцияларни қисман олиб ташлаш эвазига Йонбендаги ядровий объектларни бутунлай ёпиб қўйишга тайёр эканини маълум қилган. Бироқ саммитда ҳеч қандай келишувга эришилмаган.
Изоҳ (0)