Президент фармойишига асосан Сирожиддин Эшматов Сурхондарё вилояти солиқ бошқармаси бошлиғи этиб тайинланди. Бу ҳақда «Дарё»га Давлат солиқ қўмитаси жамоатчилик билан алоқалар ва ҳуқуқий ахборот бўлими хабар берди.
Сирожиддин Эшматов 1971 йилда Қашқадарё вилоятида туғилган. 1991 йилда Тошкент халқ хўжалиги институти, 1999 йилда Президент ҳузуридаги Давлат ва жамият қурилиш академиясини тамомлаган.
Солиқ тизимидаги фаолиятини 1992 йилда Китоб шаҳар давлат солиқ инспекциясида инспекторлик вазифасидан бошлаб, 27 йил давомида вилоят солиқ хизмати органларида турли раҳбарлик лавозимларида меҳнат қилган.
У янги лавозимга тайинлангунга қадар Қашқадарё вилояти солиқ бошқармаси бошлиғининг биринчи ўринбосари бўлиб ишлаб келаётган эди.
Изоҳ (0)