Жазоир президенти Абдулазиз Бутефлика бешинчи муддатга қайта сайланганидан сўнг бир йил ўтиб кетишга ваъда берган, дея хабар беради «Эхо Москви».
82 ёшли давлат раҳбари яна бир бор апрель ойида бўлиб ўтадиган сайловларга номзодини илгари сурган. Жазоирда минглаб намойишчилар бир неча кун давомида бундай ҳаракатга қарши норозилик билдирмоқда.
Сўнгги йилларда инсультдан кейин ногиронлар аравачасида ҳаракатланаётган Бутефлика ғалаба қозонгандан сўнг ислоҳотлар амалга оширишни, бир йил ўтиб эса, муддатидан аввалги сайловларни ўтказишни ваъда қилган.
Шу билан бирга, 2 март куни Жазоир президентиги оғир аҳволда Швейцария касалхоналаридан бирига олиб борилгани ҳақида хабарлар тарқалган.
Изоҳ (0)