Канадада ҳибсга олинган, Хитойнинг Huawei компанияси молиявий директори, компания асосчисининг қизи Мэн Ваньчжоу конституциявий ҳуқуқлари бузилгани юзасидан Канада федерал ҳукумати, чегара хизмати агентлиги (CBSА) ва Канада қироллик отлиқ полициясига қарши судга даъво аризаси топширди. Бу ҳақда Meduza хабар берди.
Даъво аризасига кўра, CBSА ходимлари Мэн Ваньчжоу барча ҳуқуқлари ва расмиятчиликка амал қилиниб ҳибсга олинишигача «оддий чегара назорати кўриниши остида» уни ушлаб, тинтув ва сўроқ қилган.
Мэн Ваньчжоу, шунингдек, чегара хизматидан «хизмат мавқеини суиистеъмол қилганлик ва қонунга зид равишда озодликдан маҳрум қилганлик учун» компенсация талаб қилмоқда.
Huawei молиявий директори Канадада АҚШ сўрови ва АҚШнинг Эронга қарши санкцияларига амал қилмаслик гумони билан 2018 йил декабрда ҳибсга олинган.
Январда АҚШ Huawei ва Мэн Ваньчжоуга умумий ҳисобда 23 та банд бўйича қўшимча айбловлар билдирган.
Изоҳ (0)