Ўзбекистон истеъмол бозорида товар ва хизматлар нархи февраль ойида ўртача 1,6 фоизга ўсди, деб хабар беради «Газета.uz».
Бир ойда маҳсулотлар 1,8 фоизга, жумладан, озиқ-овқат маҳсулотлар — 2 фоизга, ноозиқ-овқат маҳсулотлари — 1,5 фоизга ўсган. Хизматлар 0,8 фоизга қимматлаган. Таққослаш учун: 2018 йилнинг февраль ойида товарлар нархи 1,2 фоизга, хизматлар — 0,7 фоизга ўсган.
Озиқ-овқат маҳсулотларидан нархларнинг ўсишида етакчилик мева ва сабзавот маҳсулотларига тўғри келади, улар бир ой давомида 4 фоизга қимматлашган.
Нархларнинг ўсиши бўйича иккинчи ўринни умумий овқатланиш соҳаси ташкил этади. Бу ерда иккинчи ой кетма-кет нархлар 3 фоиздан ошган (январь — 3,4 фоиз, февраль — 3,3 фоиз).
Учликни сут маҳсулотлари ёпиб берган, бу ерда кўрсаткич ўртача 3,2 фоиз. Сут маҳсулотлари нархларининг энг кўп ўсиши февраль ойида Сурхондарё ва Жиззах вилоятларида (4%), энг паст кўрсаткич Наманган (1,9%)да кузатилган.
Гўшт маҳсулотлари, колбасалар қимматлаган, парранда гўшти, аксинча, бироз тушган.
Алкоголь маҳсулотлари февраль ойида сезиларли даражада ошган (2,3%). Шакар, чой, қандолат ва бошқа озиқ-овқат маҳсулотлари нархи 1,7 фоизга ошган.
Бир ой давомида нон маҳсулотлари, дуккакли ва макарон маҳсулотлари 2,4 фоизга, мош — 2,3 фоизга, гуруч — 1,9 фоизга, ёпилган нон — 0,5 фоизга, буғдой уни — 4 фоизга ошган.
Ноозиқ-овқат маҳсулотларидан етакчи ўринларни телекоммуникация (9,5%), асосий уй-рўзғор буюмлари ва электр асбоблари (5,8%), ювиш ва тозалаш маҳсулотлари (5,7%), автомобиль эҳтиёт қисмлари (2,9%), ошхона анжомлари ва асбоб-ускуналар (2,2%), маиший тўқимачилик (2,1%), кийим-кечак (1,4%), пойабзал (1%) эгаллаган.
Қайта импорт божхона божларини жорий қилиш, шунингдек, миллий валютанинг ўзгарувчанлиги ноозиқ-овқат товарлари асосий турларининг баҳосини ўсишида муҳим омил бўлган.
Марказий банк маълумотларига кўра, 15 январдан 15 февралгача бўлган 1 доллар курси 8356,18 дан 8 395,15 сўмгача (+ 0,5%) ўсган.
Автомобиль ёқилғи маҳсулотлари бир ойда 0,1 фоизга пасайган. Пропан бензин ва метан учун нарх барқарорлиги шароитида 1 фоизга арзонлаган.
Тадбиркорлик субъектларининг харажатларининг ўсиши хизматларнинг асосий турларининг қийматини сезиларли даражада ошишига олиб келган.
Маиший техникани таъмирлаш хизматлари нархи 8,1 фоизга, автомобилларни таъмирлаш ва техник хизмат кўрсатиш 7,6 фоизга, ванна ва душга хизмат кўрсатиш хизматлари 4,5 фоизга, сартарошхона ва гўзаллик салонларида нархлар 2,4 фоизга ўсган.
Йўловчи ташиш хизматлари тарифлари 0,2 фоизга ўсган. Такси харажатлари Жиззах (13,2%) ва Хоразм (2,3%) вилоятларида ва йўловчи таксиларида Тошкентда (4,2%) ўсган.
Изоҳ (0)