Uzbekistan Airways‘нинг Тошкент — Санкт-Петербург йўналиши бўйича парвозни амалга оширган Boeing-767 «Пулково» аэропортига қўниш чоғида учиш-қўниш йўлагидан чиқиб кетгани ҳақида хабар берилганди.
ЎзА мухбири ушбу рейсда парвоз қилган россиялик Александр Гордон билан боғланиб, воқеа юзасидан унинг фикрларини сўради.
— Мен ва аёлим 2 март куни Тошкент вақти билан соат 19:05да Uzbekistan Airways‘нинг Boeing-767 йўловчи самолётида Тошкентдан Санкт-Петербургга парвоз қилдик. Компания томонидан кўрсатилган хизмат менга манзур бўлди.
Парвоз одатдаги тартибда, белгиланган вақтда амалга оширилди ва кўрсатилган вақтдан олдинроқ манзилга етиб келди. Аввалига самолёт белгиланган тартибда пасая бошлади.
Бироқ борт ичида ўрнатилган мониторда ҳаво кемасининг айланма ҳаракат қилаётгани акс этди. Бундан қўниш учун ҳали рухсат тегмагани ойдинлашди. Ниҳоят учувчилар самолётни муваффақиятли қўндиришди. Йўловчилар эса ташаккур айтиб, уларни олқишлади.
Ҳаво кемасининг учиш-қўниш йўлагидан чиқиб кетганини эса, очиғи, сезмадик ҳам. Самолёт ҳаракатланишдан тўхтади. Аммо дераза ойнасидан аэропорт кўринмасди. Воқеа сабаби шундан сўнг ойдинлашди.
Изоҳ (0)