Араб шайхи «дунёдаги энг катта йўлтанламас»ни намойиш қилди (видео)

Абу-Дабининг ҳукмрон сулоласидан бўлган шайх Ҳамад Бин Ҳамдан ал Нахайян унинг буюртмасига асосан яратилган «дунёдаги энг катта йўлтанламас»ни намойиш этди. Бу ҳақда Mirror нашрига таяниб, TengriNews хабар бермоқда.

«Трансформерлар» фантастик фильмидаги машиналарни эслатувчи автомобиль дубайлик конструкторлар томонидан яратилган.

11 метрлик йўлтанламас 24 тоннага яқин вазнга эга. Машина Американинг ҳарбий Oshkosh M1075 шатакчиси асосида ишлаб чиқарилган. У 600 от кучига эга 15,2 литрлик Caterpillar дизели билан жиҳозланган.

Автомобильнинг олд қисми 40 йиллар юк машинаси, кабинаси — замонавий Jeep Wrangler Unlimited, чироқлари — Ford Super Duty, орқа бампери эса Dodge Dart’дан ўзлаштирилган. Ўн ғилдиракли йўлтанламас Dhabiyan номини олган. Унинг эни 2,5 метр, баландлиги — 3,2 метр.

Ноёб автомобилнинг нархига аниқлик киритилмаган.