Тошкент вилояти ҳудудида 2018 йилда содир этилган йўл-транспорт ҳодисаларининг келиб чиқиш сабаб ва шарт-шароитлари тизимли равишда комплекс таҳлил қилинди. Аниқланишича, йўл-транспорт ҳодисаларининг қарийб 50 фоизида тезлик асосий омил бўлиб қолмоқда, деб ёзади ЎзА.
Хабар беришларича, Тошкент вилояти Йўл ҳаракати хавфсизлиги бошқармаси вилоят ҳудудида тезлик оқибатида йўл-транспорт ҳодисалари салмоғини камайтириш мақсадида патруль автомобилларга янги намунадаги махсус автоматлаштирилган фото ва видео қайд этиш воситалари ўрнатмоқда.
Ушбу фоторадарлар қоидабузарликни реал вақт режимида, автоматик равишда қайд этади. Қоида бузгани аниқланган автомобиль рақами, сана, вақт ва воқеа жойидан иборат маълумотлар «Ўзбекистон почтаси»нинг маълумотларни қайта ишлаш маркази орқали қоидабузарликни содир этган ҳайдовчи ёки юридик шахсга почта орқали хабар беради.
«Ҳозирда ушбу фоторадарлар тест режимида ишламоқда», — дейилади хабарда.
Изоҳ (0)