Дональд Трамп Ким Чен Ин билан учрашганидан сўнг самолёт учиб-қўниш йўлагида авария содир бўлганлиги учун Вьетнамдан дарҳол учиб кета олмади, деб ёзади Forum Daily.
Дональд Трамп Air Force One бортига кўтарилган автотрап орқага қайтишдан бош тортган. Шу сабабли АҚШ президенти хавфсизлиги учун жавобгар бўлган 10 нафар махфий хизмат ходими трапни ўзлари итаришга мажбур бўлган.
Натижада Дональд Трамп чиққан самолёт Ханойдан бироз кечикиш билан учган.
Аэропортда бўлган одамлар бу жараённи видеога олган.
Эслатиб ўтамиз, Трамп ва Ким Чен Ин музокаралари муддатидан аввал тугаган бўлиб, улар ҳеч қандай келишувга эриша олмаган. Икки томонлама битимни имзолаш маросими ҳам, биргаликда ишчи тушлик ўтказиш ҳам бекор қилинган.
Трамп саммитдан сўнг ўтказилган матбуот анжуманида икки давлат ўртасидаги муносабатлар мустаҳкам эканлиги, бироқ имзолаш учун ҳеч қандай яхши нарса бўлмаганини айтган. Шунингдек, Пхеньянга қарши барча санкциялар ўз кучида қолганини таъкидлаган.
Изоҳ (0)