Мюнхен суди Донбассдаги жанговор ҳаракатларга тайёргарлик кўргани учун Сергей Киселeвни (телебошловчи Дмитрий Киселeвнинг жияни) 2 йил-у 3 ой қамоқ жазосига ҳукм қилган, дея хабар беради «Ведомости».
Тергов ҳаракатларига асосан, Сергей Кисилeв 2014 йилнинг август ойида Санкт-Петербург яқинидаги лагерда жанговар тайёргарликдан ўтган. У давлат хавфсизлигига таҳдид соладиган оғир жиноятга тайёргарлик кўришда ҳамда қурол сақлаш тўғрисидаги қонунни бузганликда айбланган.
У ўн йилгача озодликдан маҳрум этилиши керак эди, бироқ қисман айбини тан олгани учун прокурор 2 йил-у 4 ой, адвокат эса 2 йил жазо сўраган.
Суд раиси ҳукм чиқарар экан Киселeвнинг айби тўлиқ исботланмаганлигини Киселёвнинг жанговар тайёргарликда бевосита иштирок этгани бўйича далиллар йўқлигини қайд этган. Айбланувчидан қурол сақлаш тўғрисидаги қонунни бузганлик учун жавобгарлик олиб ташланган: судья бу умумий жазога дахл қилмайди, деб ҳисобламоқда.
Сергей Киселeвга қарши иш Дмитрий Киселeв билан суҳбатдан сўнг, 2016 йилнинг баҳорида қўзғатилган. Киселeв бошчилигидаги «Россия сегодня» мультимедиа матбуот–марказининг очилиш маросимида, у 2016 йилнинг апрель ойидаги Минскдаги жангари ҳаракатларга изоҳ берган.
«У ерда бутун дунёдан кўнгиллилар бор — Ғарбдан ҳам, Шарқдан ҳам. Мисол учун, менинг жияним ҳам у ерда курашган, у Германияда яшайди, унинг паспорти Германияники. У ерга жангга борган. У ҳатто менга фотосуратларини ҳам кўрсатган. Мен бу ҳақида у қайтиб келганидан сўнг билиб қолдим. У сентябрдан декабргача курашган. У менинг акамнинг ўғли Серeжа Киселeвдир», — дейди телебошловчи.
Изоҳ (0)