17 февраль куни Дубайдан учиб келган 29 ёшли М.М. Тошкент халқаро аэропортида қўлга олинди. Бу ҳақда «Дарё»га Ислом Каримов аэропорти терговчиси, майор Жаҳонгир Қўчқоров маълум қилди.
Чегара назоратидан ўтиш чоғида Самарқанд вилояти Нарпай туманида яшовчи фуқаро М.М., 7 ноябрь 2016 йилда паспортида хорижга чиқиш стикери бўлмаган ҳолда Тошкентдан Қирғизистонга, у ердан эса Уммон давлатига учиб, Уммондан Дубайга учиб борганлиги аниқланган.
Фуқаро М.М.га нисбатан Жиноят кодексининг 223-моддаси 1-қисми билан («Белгиланган тартибга риоя этмаган ҳолда хорижга чиқиш, мамлакатга кириш ёки чегарани кесиб ўтиш» — энг кам иш ҳақининг 200 баробаридан 400 баробаригача жарима ёки 3 йилдан 5 йилгача озодликни чеклаш ёҳуд озодликдан маҳрум этиш) жиноят иши қўзғатилди.
Изоҳ (0)