28 февраль куни Молия вазирининг ўринбосари Дилшод Султонов йил бошидан бери бюджетга тушмаётган даромадлар тахминан 10 триллион сўм ёки 1,5 миллиард долларни ташкил этганини айтди. Бу ҳақда Spot хабар берди.
Унинг айтишича, бу йирик корхоналар учун жорий этилган солиқдаги ўзгаришлар натижаси бўлиб, шунингдек, амортизация ставкалари ўзгартирилган, дивидендлар ва фоизлар шаклидаги даромад солиғи 10 фоиздан 5 фоизгача пасайтирилган.
Вазирлик вакили ҳукумат уларни қандай қилиб қопламоқчи эканлигига аниқлик киритмаган.
Бундан ташқари, Ўзбекистонда даромадлар бўйича энг кам 12 фоизли солиқ ставкаси мавжуд эканлигини қайд этган (аввал 14 фоизни ташкил этган).
«Биз шунингдек мол-мулк солиғини Doing Business тавсияларига мувофиқ камайтирдик. У жуда кўп — 5 фоиз эди. Биз уни 2 фоизга қисқартдик. Лекин бунда тўхтаб қолмасдан солиқ ставкасини камайтириш бўйича ишларни давом эттирамиз», — деган Дилшод Султонов.
Бироқ, ўтган йилнинг кузида тақдим этилган 2019 йилги давлат бюджети лойиҳасига кўра, энг кўп даромадларни қўшилган қиймат солиғи (40,7 триллион сўм)дан олиш режалаштирилмоқда.
Изоҳ (0)