17-fevral kuni Dubaydan uchib kelgan 29 yoshli M.M. Toshkent xalqaro aeroportida qo‘lga olindi. Bu haqda “Daryo”ga Islom Karimov aeroporti tergovchisi, mayor Jahongir Qo‘chqorov ma’lum qildi.
Chegara nazoratidan o‘tish chog‘ida Samarqand viloyati Narpay tumanida yashovchi fuqaro M.M., 7-noyabr 2016-yilda pasportida xorijga chiqish stikeri bo‘lmagan holda Toshkentdan Qirg‘izistonga, u yerdan esa Ummon davlatiga uchib, Ummondan Dubayga uchib borganligi aniqlangan.
Fuqaro M.M.ga nisbatan Jinoyat kodeksining 223-moddasi 1-qismi bilan (“Belgilangan tartibga rioya etmagan holda xorijga chiqish, mamlakatga kirish yoki chegarani kesib o‘tish” — eng kam ish haqining 200 barobaridan 400 barobarigacha jarima yoki 3 yildan 5 yilgacha ozodlikni cheklash yohud ozodlikdan mahrum etish) jinoyat ishi qo‘zg‘atildi.
Izoh (0)