27 февраль куни Дональд Трамп Ким Чен Инни ўзининг дўсти деб айтди ва Шимолий Кореянинг тез орада фаровонликка эришишига умид билдирди. Бу ҳақда «Интерфакс» хабар берди.
«Вьетнам дунёнинг кам сонли мамлакатлари қатори гуллаб-яшнамоқда. Шимолий Корея ҳам шундай фаровонликка эришади. Агар ядоросизлантириш жараёни амалга оширилса, бу тез орада содир бўлади. Бу борада потенциал жуда катта. Бундай имконият тарихда деярли ҳеч кимда бўлмаган. Бу айнан менинг дўстим Ким Чен Ин учун имконият», — деб ёзган Трамп ўзининг Twitter’даги саҳифасида.
Музокаралар 28 февраль куни ҳам давом этади. Икки давлат раҳбарлари Корея ярим оролидаги вазиятни тартибга солиш масалаларини муҳокама қилади.
Изоҳ (0)