АҚШ президенти Дональд Трамп Шимолий Корея раҳбари Ким Чен Ин билан Ханойда «ажойиб учрашув» ўтказганини ва 28 февраль куни бу учрашувни давом эттиришни интиқлик билан кутаётгани ҳақида гапирди. Бу ҳақда «РИА Новости» хабар берди.
Тушлик пайтида Трамп КХДР билан «алоҳида» муносабатлари ҳақида эълон қилган.
Great meeting and dinner with Kim Jong Un in Hanoi, Vietnam tonight. Looking forward to continuing our discussions tomorrow! #HanoiSummit pic.twitter.com/J3x6lUGzjS
— Donald J. Trump (@realDonaldTrump) February 27, 2019
У юзма-юз учрашув «яхши мулоқот»га сабаб бўлганини айтган.
«Эртага биз учун жуда банд кун бўлади <…> Кўп масалалар ҳал қилинади», — дейди Трамп.
АҚШ президенти 28 февраль куни имзоланиши кутилаётган Корея урушини тугатиш ҳақидаги расмий декларация ҳақидаги саволга: «Кўрамиз» деб жавоб берган.
Аввалроқ, Трамп ва Ким Чен Ин музокаралар хулосаси бўйича келишув битимини имзолаши кутилаётгани ҳақида хабар берилган эди. Режага кўра, раҳбарлар иккинчи кунни якка тартибда мулоқот қилишдан бошлайди, лекин бунга 45 дақиқа ажратилган. Кейин улар музокарани кенгроқ доирада давом эттиради, бунга яна икки соат ажратилган. Шундан сўнг, икки соатлик расмий тушлик ташкил қилинади. Тушликдан кейин имзолаш маросими бўлиб ўтади.
Маросимдан кейин Трамп матбуот анжумани ўтказишни режалаштирмоқда.
Изоҳ (0)