Самарқандда 2019 йилнинг 26—30 август кунлари «Шарқ тароналари» халқаро мусиқа фестивали ўтказилади. Бу Президентнинг «Шарқ тароналари» халқаро мусиқа фестивалини ўтказишга тайёргарлик кўриш чора-тадбирлари тўғрисидаги қарорида кўзда тутилган.
Фестиваль бу йил ўн иккинчи маротаба ўтказилади.
Унинг доирасида «Шарқ халқлари анъанавий мусиқа санъатини ривожлантириш истиқболлари» мавзусида халқаро илмий-амалий конференция бўлиб ўтади .
Фестиваль нуфузини янада ошириш, дунё ҳамжамияти эътиборини Ўзбекистон мусиқа маданиятига жалб қилиш мақсадида хорижлик мутахассислар иштирокида махсус давра суҳбати, тақдимот ва маҳорат дарслари ўтказилади.
Фестивальни ташкил этиш ва ўтказиш билан боғлиқ сарф-харажатлар қуйидаги тартибда қопланади:
70 фоизи — Маданият вазирлигининг харажатлар сметасида маданий тадбирларни ўтказиш учун ҳар йили назарда тутиладиган бюджет маблағлари доирасида;
30 фоизи — Самарқанд вилояти маҳаллий бюджети, ҳомийлик хайрия маблағлари ҳамда қонунчиликда тақиқланмаган бошқа манбалар ҳисобидан.
Изоҳ (0)