Давлат солиқ қўмитаси раисининг биринчи ўринбосари Мубин Мирзаев «Дарё»га берган интервьюсида «конверт» усулида ойлик оладиган фуқароларнинг қонуний ҳуқуқларини тиклаш учун қилинаётган ишлар ҳақида гапирди.
«Мамлакатда 13,5 миллион ишга лаёқатли аҳоли бор. Бироқ солиқ тўловчилар сони 4,5 миллион. Савол туғилади: қолганлар қаерда? Агар шундан икки-уч миллиони меҳнат мигрантлари деб фараз қилсак, шунда ҳам қолган беш-олти миллион ишга лаёқатли аҳоли иш ҳақини ‘конвертда’ олади, ёки хусусий тадбиркорлик билан шуғулланади ва солиқ тўламайди.
Биз учун энг муҳими: ‘сояъда ишлаётганларни аста-секин очиқ ишлашга чиқариб, қонунлаштириш. Бу бир кунда бўлмайди. Бу анчагина вақт талаб қилади, ҳатто уларнинг бир қисмини очиқчасига ишлашга олиб чиқсак ва улар ҳам солиқ тўлайдиган бўлишса, умумий солиқ юки пасаяди», — дейди Мубин Мирзаев.
Изоҳ (0)