ЖАРга европаликларнинг келишидан ҳам олдин мавжуд бўлган, аммо фанга маълум бўлмаган йирик шаҳарлар аниқланди. Бу ҳақда Travel Ask хабар берди.
ЖАР Витватерсранд университети олимлари Йоҳаннесбург туманида изланишлар олиб борган. У ерда қадимий йирик шаҳарнинг излари топилган. Тарихчиларнинг аниқлашича, бу жойда XV—XIX асрларда Квененг шаҳри бўлган. Европаликлар келгунича у ерда тсван халқи яшаб, мана шу шаҳарни қурган. Тсван халқи вакиллари ҳозирги кунда ҳам кўпчиликни ташкил этади. ЖАР, Намбия ва Зимбабведа беш миллионга яқин тсванлар яшайди.
Квененг шаҳрини қурган тсванлар чорвадор халқ бўлган. Қурилган уйлар ва бинолар 800 та бўлган. Бу ўша давр европа андозаларига кўра ҳам йирик шаҳар бўлган. Уй ва бошқа бинолар тошдан қурилган. Уларга қараб, аҳоли 10 000 киши бўлган дея хулоса қилинган.
Изоҳ (0)