Малика Рима бинт Бандар Саудия Арабистонининг АҚШдаги элчиси этиб тайинланди. Бу ҳақда «Корреспондент.net» хабар бермоқда.
У вазир мақомини ҳам олиши билдирилмоқда.
Малика Рима АҚШнинг Вашингтондаги элчихонасига 1983 йилдан 2005 йилгача раҳбарлик қилган шаҳзода Бандарнинг қизи, АҚШда тарихий меросни сақлаш соҳасида таълим олган.
2014 йилда Forbes журнали уни араб оламидаги энг нуфузли 200 аёл қаторига киритган. Бу тайинловга қадар Спорт бош федерацияси раҳбари вакили лавозимини эгаллаб келган.
Саудия подшоҳи АҚШда элчиси бўлиб ишлаб келган ўғли Холид бин Салмонни ушбу лавозимдан озод қилиб, мудофаа вазири ўринбосари этиб тайинлади.
Изоҳ (0)