Шимолий Корея мамлакатда озиқ-овқат маҳсулотлари етишмаётгани сабабли БМТдан гуманитар ёрдам сўради. Бу ҳақда «Корреспондент.net» хабар берди.
Хабарда айтилишича, 2019 йилда Шимолий Кореяга 1,4 миллион тонна озиқ-овқат маҳсулотлари, хусусан, гуруч, буғдой, картошка ва соя етишмаслиги мумкин.
БМТ эса аҳолининг гуманитар эҳтиёжларини ўз вақтида қондириш имконияти бўлиши учун Пхеньян билан алоқада эканини маълум қилган.
БМТнинг ЮНИСЕФ фонди 2018 йилнинг декабрь ойида берган маълумотига кўра, 25 миллион аҳолига эга Шимолий Кореянинг деярли 11 миллион фуқаросини озиқ-овқат маҳсулотлари билан тўлақонли таъминлаш кафолатланмаган. Уулардан уч миллионга яқинини болалар ва 18 га тўлмаган ёшлар ташкил этади.
Ушбу муаммо 27—28 февраль кунлари Ким Чен Ин ва Дональд Трамп ўртасида бўлиб ўтадиган саммитда ҳам муҳокама қилиниши кутилмоқда.
Изоҳ (0)