Бугун 19 февраль куни Тошкентда «Марказий Осиёда ўзаро муштараклик: таҳдидлар ва янги имкониятлар» мавзусида халқаро конференция бошланди, деб хабар берди ЎзА.
Тадбирда Ўзбекистон Республикаси Олий Мажлиси Сенати раисининг биринчи ўринбосари Содиқ Сафоев Марказий Осиё давлатлари муносабатларида ҳамжиҳатлик, дўстлик изчил ривожланаётгани, ўзаро алоқаларнинг бугунги ҳолати кечагидан тубдан фарқ қилишини таъкидлади.
«Минтақа давлатларининг ҳамкорликдаги ташаббуслари билан бугунги кунда ўзаро муносабатларда ижобий ўзгаришлар юзага келди ва бу жараён шиддат билан ривожланмоқда. Эътибор қилинг, ҳозирда мамлакатимиз чегарасидан қўшни давлатларга бир кунда 100 мингдан зиёд киши ҳеч бир қийинчиликларсиз ўтмоқда. Яна бир ўзгаришлардан бири - бу минтақавий кенгашлар, йиғилишларнинг Афғонистон иштироксиз ўтмаётганидир. Зеро Афғон заминида тинчлик ўрнатилиши минтақанинг нафақат барқарор ривожланишига, шунингдек, Осиёни Европа давлатлари билан савдо-иқтисодий соҳадаги ҳамкорлик кучайишига хизмат қилади», – деди Содиқ Сафоев.
Изоҳ (0)