2019/2020-ўқув йилидан бошлаб «МИФИ» миллий ядро тадқиқотлари университети (ММФИ МТЯУ) магистратурасида ўқиш учун Ўзбекистонга ажратиладиган квоталар икки баравар ортади ва 30 ўринни ташкил этади. Бу ҳақда «Ўзатом» агентлиги матбуот хизматига таяниб, «Халқ сўзи» хабар берди.
Шу муносабат билан ҳозирги пайтда бакалавриатнинг 4 босқич талабалари ёки физика, энергетика ва иссиқлик техникаси соҳасида бакалавриатни тамомланган мутахассислар орасидан номзодларни танлаш амалга оширилмоқда. Талабалар билимларни яхши ўзлаштириши ва рус тилини билиши зарур.
Maгистратурада «Ядро энергетикаси ва иссиқлик физикаси» ва «Ядро физикаси ва технологиялари» йўналишлари бўйича ўқиш мақсадида танловда иштирок этиш учун «Россотрудничество»нинг расмий веб-сайтида рўйхатдан ўтиш лозим.
Аризалар 2019 йил 15 январгача қабул қилинган. «Ўзатом» агентлиги ва «Россотрудничество» ташаббусига кўра аризаларни қабул қилиш муддати 2019 йил 20 февралгача узайтирилди.
Университет битирувчилари Ўзбекистон атом энергетикаси соҳасида кафолатли ва малакали иш билан таъминланади.
Изоҳ (0)