Ўзбекистон Ташқи ишлар вазирлиги Россиянинг Москва шаҳрида 17 февраль куни ўзбекистонлик фуқаролар иштирокида юз берган муштлашув юзасидан баёнот берди.
«Ўзбекистоннинг Россиядаги элчихонаси берган маълумотларга кўра, 2019 йилнинг 17 февраль куни Москва шаҳрида мамлакатимиз фуқаролари иштирокида содир бўлган ҳодиса оқибатида жароҳат олганлардан бир киши воқеа жойида, иккинчиси касалхонада вафот этган. Тергов қўмитасининг Москва шаҳри бўйича Бош бошқармаси томонидан Россия федерацияси Жиноят кодексининг 111-моддаси 4-қисмида (саломатликка қасддан ўлимга олиб келувчи оғир жароҳат етказиш) асосида жиноят иши очилди», — дейилади вазирлик хабарида.
Ҳодиса оқибатида ҳалок бўлган Ўзбекистон фуқаролари:
- Нусратов Нодирбек Ғуломқодирович, 1989 йил 29 октябрда туғилган;
- Нусратов Отабек, 1987 йил 24 октябрда туғилган.
Изоҳ (0)