Amerikalik geolog va klimatolog Uolles Broker 87 yoshida vafot etdi, deya xabar beradi “Associated Press”.
Broker 18-fevral kuni Nyu-Yorkdagi kasalxonalardan birida bir necha oy xastalikdan so‘ng vafot etgan.
Uolles Smit Broker 1931-yilda Chikago shahrida tug‘ilgan. 1977-yilda Kolumbiya Universitetining professori bo‘lgan, u yerda u butun hayoti davomida Geologiya va atrof-muhit kafedrasida o‘qituvchi bo‘lib ishlagan.
Olim 500 dan ortiq maqola va 14 ta kitob, jumladan, bir nechta darsliklar muallifi. Uning asosiy ilmiy qiziqishi dunyodagi okeanlarning Yer iqlimini shakllantirishdagi o‘rni edi.
Geolog “Global isish” atamasi muallifi deya e’tirof etiladi, u ilk bor atamani “Iqlim o‘zgarishi: biz global iqlimning keskin o‘zgarishi yoqasida turibmizmi?” (Climatic Change: Are We on the Brink of a Pronounced Global Warming?) maqolasida 1975-yilda qo‘llagan.
Unda, u odamlarning iqlimga ta’siri oqibatida kelib chiqadigan uglerod dioksid darajasining oshishi natijasida global haroratning ko‘tarilishini oldindan aytib bergan. Maqoladan so‘ng atama ilmiy tilda mustahkam o‘rnashgan.
Izoh (0)