Ўзбекистондаги илк нодавлат олий талим муассасаси — Akfa университети 2019 йилнинг 1 сентябридан оз фаолиятини бошлайди. Бу ҳақда Akfa университетини ташкил этиш бўйича лойиҳа раҳбари Бекзод Жалиловнинг сўзларига асосланиб, «Дарё» мухбири Севара Нишонова хабар берди.
Университет Шайҳонтоҳур тиббиёт коллежи жойлашган ҳудудда барпо этилади. Бўлғуси талабалар амалий билимларни ушбу даргоҳда олиб, амалиётни Akfa Medline клиникасида ўтайди.
Лойиҳанинг реконструкция ишлари ва техник таъминоти учун 5 миллион доллардан зиёд сармоя киритилган.
Университет Жанубий Кореянинг Гачонг университети билан ҳамкорликда ташкил этилмоқда. Ушбу университет Жанубий Кореянинг энг етакчи университетларидан бўлиб, у 1939 йилдан бери фаолият кўрсатмоқда. Университет талабалари 10 та йўналиш бўйича таҳсил олади, ҳар йили ушбу ОТМни 400 нафар талаба битиради.
Лойиҳа 3 босқичда амалга оширилади:
1-босқич: тиббиёт йўналиши
2-босқич: архитектура, муҳандислик иши ва дизайн
3-босқич: саноат соҳасида муҳандислик иши
Дастлабки ўқув йилида университет 200 нафар абитуриентни ўқишга қабул қилади. Шундан 100 та ўрин Ўзбекистон фуқаролари учун бепул асосда, қолган 100 таси хорижий талабар учун пуллик асосда тақдим этилади.
Ўқув жараёни чет эл олийгоҳлари билан ҳамкорликда, хорижий профессорларни жалб қилган ҳолда инглиз тилида олиб борилади.
Талабалар университетда 6 йил таълим олади:
- 2 йил тиббий тайёрлов курслари
- 2 йил асосий тиббиёт
- 2 йил клиник тиббиёт
Изоҳ (0)