Ўзбекистон Киноарбоблари ижодий уюшмаси раиси, Ўзбекистонда хизмат кўрсатган артист Матёқуб Матчонов «Дарё» интернет-нашри учун эксклюзив интервью берди. Интервьюни журналист Феруз Муҳаммад уюштирди.
Суҳбат давомида Матёқуб Матчонов ҳар йилда бўлиб ўтиши режалаштирилган «Олтин ҳумо» миллий кино тақдимотида нима сабабдан 2017—2018 йилларда суратга олинган фильмлар кўриб чиқилишига ойдинлик киритди.
‘Олтин ҳумo’ миллий кинотақдимоти низомига кўра, тақдимот йил давомида суратга олинган фильмлар учун ўтказилиши керак эди. Бу йил кинотақдимот илк маротаба ўтказилаётганини ҳисобга олиб, биз 2017 йилда суратга олинган фильмларни ҳам кинотақтимотга қўшдик. Чунки кўплаб киноижодкорлар ҳам бу борада ‘2017 йилда ишланган фильмларни ҳам тақдимотга қўшсак’, деган таклифларни киритишди. Таклифларни ўйлаб кўриб, тақдимот 2017—2018 йиллардаги фильмларни қамраб олишини белгиладик. Кейинги йилдан бошлаб, ҳар йили бир йил мобайнида ишлаб чиқарилган фильмлар бўйича тақдимот бўлиб ўтади.Маълумот учун, «Ўзбекистон Киноарбоблари ижодий уюшмаси», «Ўзбеккино» Миллий агентлиги ҳамда «Миллий» телеканали ҳамкорлигида 2019 йилнинг 10 апрель куни «Олтин ҳумо» кинотақдимоти бўлиб ўтади. Кинотақдимотда 2017 йил 1 январидан 2018 йил 31 декабрга қадар премьераси бўлиб ўтган давлат ва нодавлат студияларининг тўлиқ метражли бадиий, ҳужжатли, анимацион фильмлари қатнашиши мумкин.Матёқуб Матчонов, Ўзбекистон Киноарбоблари ижодий уюшмаси раиси
Изоҳ (0)