Чикаго (Иллинойс) аҳоли сони бўйича Қўшма Штатлардаги иккинчи шаҳар, аммо мана бир неча йилдирки у мамлакатнинг энг коррупциялашган шаҳарлари рўйхатида етакчилик қилади, дея хабар беради «ForumDaily».
Чикаго шаҳридаги Иллинойс университетида 11 февралда чоп этилган «Чикаго ва Иллинойс штатидаги коррупция» номли ҳисоботда, АҚШнинг сўнгги йилларда коррупцияга қарши федерал айбловлари даражаси камайганига қарамай, Чикаго бундай қаторлар рўйхатига бошчилик қилишда давом этмоқда.
Бундан ташқари, Иллинойс бошқа йирик штатлар ва Колумбия округига нисбатан аҳоли жон бошига учинчи энг коррупцион давлат бўлиб қолмоқда.
Гуруҳ Адлия вазирлигининг сўнгги маълумотларидан фойдаланган, бу 2017 йил давомида Иллинойс шимолий ҳудудида, Чикаго шаҳрини ва шимолий қисмини ўз ичига олган коррупцияга оид жами 25 та ҳукм чиқарилганлигини кўрсатади.
Бу рақам 2016 йилда 30 та ҳукмдан иборат бўлган, сўнгги 10 йил мобайнида ушбу минтақада йилига ўртача 33,6 коррупцион айбловлар қайд этилган.
2017 йилда Иллинойс штатида жами 34 та коррупция айбловлари аниқланган.
1976 йилдан буён Адлия бошқармаси коррупция бўйича давлат статистикасини кузатишни бошлагач, Чикаго ҳудудида 1731 киши судланган.
Худди шу давр мобайнида Лос-Анжелесда —1534 киши, Нью-Йоркда — 1327, Майамида — 1152, Вашингтонда эса 1129 киши ҳукм қилинган.
Изоҳ (0)