Словения парламенти депутати Дарий Крайнич сотувчилар ҳушёрлигини текшираман деб сендвич ўғирлаганидан сўнг истеъфога чиқишга тўғри келди, деб ёзади Meduza.
Крайничнинг ўзи эса буни «ижтимоий тадқиқот» сифатида қилганини таъкидлаган.
Воқеа Люблян марказидаги дўконлардан бирида содир бўлган. Крайничнинг айтишича, пул тўлаш учун кассага олдида келган вақтда дўконнинг уч нафар ходими унга эътибор бермай уч дақиқа давомида ўзаро гаплашиб турган. Шунда у маҳсулотга пул тўламай шундай олиб кетса улар сезиш-сезмаслигини текширишга қарор қилган.
54 ёшли депутат дўконда видеокузатув бўлса ҳам уни ҳеч ким тўхтатмаганидан ҳайрон бўлгани ва умрида биринчи марта ўғрилик қилганини айтган. Кейинроқ у сендвич пулини тўлаш учун қайтиб келган.
Бўлиб ўтган воқеа ҳақида Крайничнинг ўзи 13 февраль куни парламент қўмитаси учрашувларидан бирида «қизиқарли воқеа» сифатида айтиб берган. Аввалига ҳамкасблар ҳақиқатдан ҳам кулишган. Эртаси куни эса парламент фракцияси раҳбари Бране Голубович унинг бу ишини номақбул деб айтган.
Шундан сўнг Крайнич узр сўраган ва партия юқори ахлоқий майорларига мувофиқ ўз хоҳиши билан истеъфога чиққан.
Изоҳ (0)