Буюк Хитой девори йўлларида кучли қор ёғиши сабабли хавфли муз қатлами пайдо бўлиб, бу диққатга сазовор жойга ташриф буюришни қийинлаштирмоқда. Бу ҳақда Метро хабар берди.
Гувоҳлар девор бўйлаб сирғаниб кетаётган сайёҳларни видеога олган. Унда ташриф буюрганлардан бири тошли қияликдан пастга сирпаниб, музлаб қолган чорқирра тошда ўтирган дугонасига келиб урилгани акс этган. Кейинги кадрда эса бир неча сайёҳларнинг тутқични ушлаб диққатга сазовор жойга кўтарилишга уринаётгани тасвирланган. Бироқ баъзи сайёҳлар тиззалаган ҳолда йиқилиб, эмаклаб тепага кўтарилишга ҳаракат қилган.
2018 йил августида Airbnb турар-жойни онлайн бронлаш хизмати ўз мижозларига Буюк Хитой девори минораларидан бирида тунаб қолиш имконияти борлигини, бунинг учун махсус қулай хона жиҳозланишини маълум қилган.
Изоҳ (0)