Билл Гейтс солиқларнинг пастлигидан шикоят қилди

Дунёдаги энг бой одамларнинг рўйхатида иккинчи ўринни эгаллаган, 96,7 миллиард АҚШ долларга тенг бойликка эга Microsoft асосчиси Билл Гейтс яна бир бор унинг солиқлар суммаси озлигидан норози эканини билдирди. Бу ҳақда «ForumDaily» хабар берди.

Тадбиркор у томондан тўланган солиқ миқдори қарийб 10 миллиард АҚШ доллардан ошган бўлишига қарамай ундан ҳам кўп пул тўлаши мумкинлигини маълум қилган.

Гейтс ўзини «қонунга итоаткор» солиқ тўловчи деб атади, аммо АҚШда солиқ ставкалари янада прогрессив бўлиши керак, деган фикрни билдирди. Шунингдек, миллиардер бошқа бойлар сингари ўзини бойликларига арзимаслигини айтган. Унинг сўзларига кўра, у вақт, омад ва у билан ишлаган одамлар туфайли бойликка эришган.

Гейтс мерос солиғини ошириш фойдаси ҳақида ҳам гапирган: АҚШда ота-оналар фарзандларига 11,5 миллион АҚШ доллардан ортиқроқ пул ташлаб кетиши мумкин, аммо у солиққа тортилмайди.

Microsoft асосчисининг фикрига кўра, у бойлигини фақат ўз фарзандларига қолдириши жамиятга фойда келтирмайди. У бойлигининг маълум бир миқдорини фарзандларига қолдиришини таъкидлади.

Гейтснинг айтишича, пулларининг бир қисми, шахсий харажатлари, мерос ва солиқларни ҳисобга олмаганда, камбағал мамлакатларга касалликлар билан курашиш учун хайрия қилинади.

Дунёдаги иккинчи ўриндаги бойликка эга бўлган Гейтс ўзининг сахийлиги билан машҳур.

2017 йилда у 17 йил ичидаги энг катта 4,6 миллиард АҚШ долларга тенг ҳайрияни амалга оширган.