Sloveniyada deputat sendvich o‘g‘irlagani uchun ishdan ketdi

Sloveniya parlamenti deputati Dariy Kraynich sotuvchilar hushyorligini tekshiraman deb sendvich o‘g‘irlaganidan so‘ng iste’foga chiqishga to‘g‘ri keldi, deb yozadi Meduza.

Kraynichning o‘zi esa buni “ijtimoiy tadqiqot” sifatida qilganini ta’kidlagan.

Voqea Lyublyan markazidagi do‘konlardan birida sodir bo‘lgan. Kraynichning aytishicha, pul to‘lash uchun kassaga oldida kelgan vaqtda do‘konning uch nafar xodimi unga e’tibor bermay uch daqiqa davomida o‘zaro gaplashib turgan. Shunda u mahsulotga pul to‘lamay shunday olib ketsa ular sezish-sezmasligini tekshirishga qaror qilgan.

54 yoshli deputat do‘konda videokuzatuv bo‘lsa ham uni hech kim to‘xtatmaganidan hayron bo‘lgani va umrida birinchi marta o‘g‘rilik qilganini aytgan. Keyinroq u sendvich pulini to‘lash uchun qaytib kelgan.

Bo‘lib o‘tgan voqea haqida Kraynichning o‘zi 13-fevral kuni parlament qo‘mitasi uchrashuvlaridan birida “qiziqarli voqea” sifatida aytib bergan. Avvaliga hamkasblar haqiqatdan ham kulishgan. Ertasi kuni esa parlament fraksiyasi rahbari Brane Golubovich uning bu ishini nomaqbul deb aytgan.

Shundan so‘ng Kraynich uzr so‘ragan va partiya yuqori axloqiy mayorlariga muvofiq o‘z xohishi bilan iste’foga chiqqan.