Сергелидаги метро қурилиши харажатлари, Тошкентда ушланган фоҳишалар, батареяси рекорд даражада кучли смартфон ва куннинг бошқа муҳим хабарлари

Лойиҳанинг умумий қиймати 82,6 миллион АҚШ долларига баҳоланмоқда, аввалроқ ушбу рақам 91,6 миллион АҚШ доллари деб айтилганди.

***

Тошкентда 14 февралга ўтар кечаси ўтказилган тадбирларда фоҳишаликда гумон қилинган 34 нафар аёл ушланди.

Уларнинг энг кўпи — 11 нафари Чилонзор ва Учтепа туманларида, Қатортол кўчаси «Шуҳрат» чорраҳасида ва Ал-Хоразмий айланасида қўлга тушди. 9 нафар аёл Миробод туманидаги Шаҳрисабз ва Амир Темур кўчалари кесишмасида ушланди. Бектемирда, «Қўйлиқ» бозори яқинида 8 нафар, Юнусободдаги Амир Темур кўчасида 6 нафар аёл қўлга олинди.

***

Батареяси рекорд даражада узоқ вақтга етадиган смартфон яратилди.

Energizer компанияси 18 минг мА/соат батарея билан бир марта қувват олгандан кейин 50 кунгача ишлайдиган смартфон яратди.

Тўлиқ зарядланган батарея 100 соатлик мусиқа ва икки кунгача тўхтовсиз видео ижро этишга етиши керак.

***

Интернетда самарқандлик олифта ўқувчилар иштирокидаги видео муҳокамаларга сабаб бўлди.

Унда икки ўқувчи автобусларни тўхтатиб, унинг зинасига оёғини қўйиб оёқ кийимини артади ва ундан сўнг ҳайдовчига кетаверинг ишорасини қилади. Видеода бу ҳодисани уларнинг шериги бўлган учинчи йигит тасвирга олиб турганини кўриш мумкин.

***

Бухорода ҳокимлик биносида юз берган қотиллик рашк туфайли содир бўлган.

Бухоро вилоятининг Пешку тумани ҳокимлиги биносида 2018 йил 13 июнь куни «Қизил ярим ой» жамияти Пешку туман бўлими бошлиғи Гулбаҳор Ашурова пичоқ билан етказилган жароҳатлари туфайли вафот этганди.