Бугун, 15 февраль куни бутун дунёда «Халқаро болалар онкологияси куни» деб белгиланган.
Афсуски, ҳозирги кунда дунё бўйлаб жуда кўп мурғак болалар онкологик касалликлардан азият чекади. Ўзбекистонда ҳам бундай болалар сони кам эмас. Қуйида сизга ҳикоя қиладиганимиз ҳам ана шундай оғир касалликка чалинган қизча ҳақида.
Мастурахон Йўлдошхўжаева 2012 йилда Тошкент шаҳрида дунёга келган. Қизчага чап тухумдон эмбрионал саратони ташхиси қўйилган.
«2018 йил 13 октябрь куни эди. Мен ишда юрган эдим. Бир кун уйдан телефон бўлди. Қизимнинг мазаси йўқлигини айтишди. Шошиб уйга келдим, Мастуранинг иссиғи баланд эди. Уни олиб дарҳол 16-сонли шифохонага олиб бордик.
У ерда текшириб, иссиғини тушириб, уйга жўнатишди. Эртаси куни қизимдан сўрасам қорин қисмидаги оғриқ қолмаяпти деди. Яхшилаб қарасам, қизимнинг ички кийимлари қонга беланган. УТТ текширувларга олиб бордик.
Ҳамма ҳар хил гапирарди. Охири аниқ саратон дейишди. Бу ташхисдан қотиб қолгандим.
Бу гапни айтган шифокорга ‘Нима деяпсиз? Қанақа саратон?’ дердим тинмай», — дейди Мастуранинг онаси Гўзал Холхўжаева.
Шундан сўнг Мастурани шаҳар онкология диспансерига олиб боришди. МRT текширувларидан ўтказишди. Қизалоқ шошилинч операция қилинди, қизчанинг тухумдонидаги ўсимта олиб ташланди.
«Шифокорлар қизимнинг 6 та кимёвий терапия олиши кераклигини айтишган. Ҳозирда 3 тасини олдик, яна учта муолажа бор олдинда. Дори-дармонларга 30 миллион сўм маблағ кетаркан. Саховатпеша инсонлардан ёрдам сўрамоқчиман», — дейди кўзларида ёш билан Мастуранинг онаси.
Азиз юртдошлар, оғир касаллик яна бир боланинг умрини хазон қилмасин! Мастуранинг ҳаётини сақлаб қолишга ҳисса қўшайлик!
Хайрия қилиш учун қўшимча маълумотлар:
Онасининг номига очилган пластик карта рақами:
8600 0417 3741 6645
Хориждан жўнатмалар учун Агробанк Visa картаси рақами:
4187 8200 0014 3394
Онаси Гўзал Холхўжаеванинг телефон рақами: (94) 625-97-71
Изоҳ (0)