Ўзбекистон ва Россия РФдан Ўзбекистонга нефть етказиб бериш бўйича ҳукуматлараро битимни ҳали ҳам имзоламади. Бу ҳақда Россия Энергетика вазирлиги раҳбари Александр Новакка асосланиб, «UzDaily» хабар берди.
Аввалроқ, 2018 йил ноябрида Новак РФ йил охиригача ҳукуматлараро битимни мувофиқлаштириб олиш ниятида экани ҳақида айтгани хабар қилинганди. Унинг таъкидлашича, ҳужжат бўйича ишлар техник масалаларга алоқадор - нефтни етказиб бериш, нефть сифати ва ҳоказо.
2018 йил апрелида Новак Россия ва Ўзбекистон нефть етказиб бериш бўйича ҳукуматлараро битимни имзолаш тўғрисидаги музокараларнинг якуний босқичига киришганини хабар қилди. «Транснефть» вице-президенти Сергей Андронов қайд этишича, Россиядан Ўзбекистонга 2018 йилга нефтни қуйиш учун мурожаатлар 500 минг тоннани, 2019 йилга эса - 1 миллион тоннани назарда тутади.
Сентябрь ойида «Ўзбекнефтгаз» бошқаруви раиси Алишер Султонов «РИА Новости»га компания 2018—2020 йиллар давомида йилига 1 миллион тоннагача нефть импорт қилишни режалаштираётгани ҳақида маълумот берганди. 2021 йилдан бошлаб, Жиззах вилоятида нефтни қайта ишлаш мажмуаси ишга туширилганидан сўнг, импорт ҳажми йилига 5 миллион тоннагача оширилиши керак эди.
Изоҳ (0)