Кувайтнинг Alshaya Group компанияси ўз дўконлари тармоғида ишлаши учун Ўзбекистон фуқароларини ёллаш имкониятини кўриб чиқмоқда. Компания дўконларининг сони 4 мингдан ортиқдир, деб ёзади «Podrobno.uz».
Бу ҳақда Бандлик ва меҳнат муносабатлари вазири Шерзод Кудбиев ва Alshaya Group ижрочи директори Муҳаммад Ал Шая ўртасидаги музокаралар якунига кўра маълум қилинди.
Учрашув доирасида Alshaya Group ва Ташқи миграция агентлиги ўртасида меморандум имзоланди. У Ўзбекистон фуқароларининг мазкур компанияга ишга жойлашиши учун имкониятлар яратади.
Alshaya Group Яқин Шарқ, Россия, Туркия, Озарбайжон, Қозоғистон ва Европанинг бир қатор давлатларида Starbucks, H&M, Mothercare, Debenhams, American Eagle Outfitters, P.F. Chang’s, The Cheesecake Factory, Victoria’s Secret, Boots, Pottery Barn, KidZ каби брендларни франшиза бўйича бошқаради.
Компания ходимлари штати дунёнинг 120 мамлакатидан 53 мингдан ортиқ одамни бирлаштиради.
Изоҳ (0)