13 февраль куни Сенаторлар АҚШнинг Россияга қарши янги санкциялари тўғрисидаги қонун лойиҳасини тайёрлади. Бу ҳақда «Дожд» хабар берди.
Унда давлат қарзи, банк ва энергетика сектори, Федерал хавфсизлик хизмати ва кемасозлик секторининг 24 нафар ходимларига нисбатан чекловлар назарда тутилган.
Санкцияларни Россиянинг ғарб давлатларидаги «демократик жараёнларга аралашгани», Суриядаги ҳаракатлари ва «Украинага нисбатан тажовузи» учун киритиш таклиф этилган.
«Ҳужжат сенаторларнинг 2018 йил августида таклиф қилган ва қабул қилинмаган санкциялар пакетининг янада қаттиқроқ туридир», — дейилади хабарда.
Қонун лойиҳаси сенаторлар Роберт Менендес, Линдси Грэм, Кори Гарднер, Бен Кардин ва Джинн Шейхин томонидан ишлаб чиқилган.
Янги санкция ҳақидаги хабарлар ҳолатида Москва биржасида рублнинг доллар ва еврога нисбатан қиймати 40-50 тийинга тушиб кетган.
Изоҳ (0)