АҚШ сенаторларининг бир гуруҳи «Кремль тажовузидан ҳимоя қилиш тўғрисида»ги қонун лойиҳасининг янги талқинини тақдим этди, у 2018 йилда илк бор киритилган, аммо кўриб чиқилмаган, дея хабар беради «Meduza».
Қонун лойиҳасида Қора денгиздаги можаро учун санкциялар пайдо бўлган.
Янги талқинда «Россиянинг бошқа мамлакатлардаги демократик институтларни йўқ қилиш борасидаги саъй-ҳаракатларини қўллаб-қувватлаш»га нисбатан Россия банкларига қарши санкциялар киритилиши назарда тутилган.
Сенаторлар шунингдек, Қора денгиздаги можарога аралашган — «24 та украиналик денгизчиларнинг ҳибсга олинишига жавобан», «24 ФХХ агенти»га қарши санкцияларни жорий қилишни хоҳлаяпти.
Бундан олдинги талқиндаги каби, ҳужжатда янги Россия давлат облигациялари билан операцияларга қарши санкцияларни жорий этиш, Россия президенти Владимир Путиннинг активларини аниқлаш ва сенаторларнинг учдан икки қисми қўллаб-қувватламасдан АҚШни НАТОдан чиқаришни тақиқлаш таклиф этилади.
12 февраль куни Қўшма Штатлар ва Европа Иттифоқи Қора денгиздаги можаро туфайли Россияга қарши санкцияларни мувофиқлаштираётгани маълум бўлди.
Хабарларга кўра, улар бир неча ҳафта ичида эълон қилиниши керак.
Изоҳ (0)