2018 йилда Ўзбекистонда 12 мингдан ортиқ ёнғин содир бўлиб, 50 нафарга яқин одам ис газидан заҳарланиш оқибатида ҳалок бўлди.
ЎзАга кўра, бу статистик рақам ИИВ Ёнғин хавфсизлиги институтида «Аҳоли турар жойларида ёнғинлар профилактикаси ва фуқароларнинг ис газидан заҳарланишнинг олдини олиш масалалари» мавзусида ўтказилган илмий-амалий анжуманда таъкидланди.
Шунингдек, мазкур анжуман доирасида институт ходимлари ва курсантлари ёнғин ўчириш техникаларининг ҳамда аҳоли яшаш уйлари ва масканларда содир бўлган ёнғинларни бартараф этишга оид кўргазма ташкил этилди. Нафас олишга яроқсиз муҳитда фойдаланиладиган аппаратларнинг ўзига хос тактик-техник хусусиятлари кўрсатилди.
Институт ҳудудида жойлашган руҳий тайёргарлик йўлакчаларида мавжуд снарядлардан ўтиш, ўқув минорасида ўзини-ўзи қутқариш ҳамда ишғол қилиш нарвони билан 4-қаватга кўтарилиш, ёнғин ўчириш амалий спорти бўйича жанговар ёйилиш, қўл жанги машқлари намойиш қилинди.
Изоҳ (0)