Тошкентда 2019—2020 йилларда йўл ҳаракати хавфсизлигини таъминлаш бўйича ҳудудий дастур тасдиқланди. Бу ҳақда шаҳар ҳокимлиги матбуот хизмати маълум қилди.
Дастурда аҳоли гавжум объектлар яқинида тезлик соатига 50 километргача этиб белгилангани ҳақида белгилар ўрнатилиши кўзда тутилган. Бу рўйхатга боғчалар, мактаблар, лицей ва коллежлар, институтлар, касалхоналар, бозорлар, бизнес-марказлар, супермаркетлар, боғлар, театрлар, стадионлар, концерт заллари, масжид ва черковлар, тўй тантаналари ўтказиладиган манзиллар киритилган. Бундай жойларга тезлик ўлчовчи стационар ва мобиль воситалар (радарлар) ҳам ўрнатилади.
Йўллардаги вазиятни доимий мониторинг қилиш ва тиқинлар юзага келишига йўл қўймаслик учун кичик учиш қурилмаларидан (дронлар) фойдаланиш режалаштирилмоқда.
Шунингдек, светофор сигналлари мақбуллаштирилади, таймерлар ўрнатилади ва кўча ҳамда йўл бўйларида қўшимча пуллик парковка жойлари ташкилланади.
Изоҳ (0)