2015—2018 йилларда Индонезияда ҳаж амалини адо этиш қиймати Малайзия, Сингапур ва Брунейдан кўра паст нархда ушлаб турилган, дея хабар беради «Azon.uz».
Индонезия Дин ишлари вазирлиги Ҳаж ва умра хизматлари бош мудири Рамазон Ҳариссменнинг маълум қилишича, бунга олиб борилган тизимли ишлар натижасида эришилган.
Индонезияда ҳажнинг умумий нархи 2235 АҚШ долларни ташкил этган. Бунинг учун ҳукумат томонидан ҳожиларга қўшимча 400 АҚШ доллардан берилиши ҳаж харажатларининг қисқаришига олиб келган.
Маълумот учун, Индонезия аҳолиси сони 2017 йил ҳолатига кўра, 264 миллион нафарни ташкил этган. Аҳолисининг 87 фоизи мусулмонлардир. 2018 йилда Индонезиядан дунё мамлакатлари орасида энг кўп ҳожи, яъни 168 000 нафар киши тўғри келган. Уларнинг ҳар бирига йўл ҳақи учун ҳукумат томонидан 400 АҚШ доллардан ёрдам пули ажратилган.
Изоҳ (0)