Ўзбекистон Ички ишлар вазирлиги маҳаллаларда жиноятлар ва ҳуқуқбузарликлар юз беришини олдини олиш, фуқаролар осойишталигини таъминлашда ўзининг хизматлари билан муносиб ҳисса қўшган профилактика инспекторлари ҳамда маҳалла фаолларини эътироф этиб, уларни пул мукофоти билан тақдирлади. Бу ҳақда «Дарё» мухбири Севара Нишонова хабар берди.
Шу муносабат билан 12 февраль куни «Халқлар дўстлиги» саройи олдидаги майдонда тантанали маросим бўлиб ўтди.
Маросимда Ўзбекистон Республикаси Ички ишлар вазири генерал-лейтенант Пўлат Бобожонов, Тошкент шаҳар ИИББ бошлиғи Рустам Жўраев, Тошкент шаҳар ҳокими Жаҳонгир Ортиқхўжаев тақдирланганларни табриклади.
Алоҳида ўрнак кўрсатган 120 нафар профилактика инспекторлари ҳамда 48 нафар маҳалла фаоллари эътироф этилди, уларга жамоат хавфсизлигини таъминлашни рағбатлантириш жамғармаси ҳисобидан пул мукофотлари тақдим этилди. Тадбирда профилактика инспекторлари ва маҳалла фаолларининг оила аъзолари ҳам иштирок этди.
Изоҳ (0)