Жорий йилнинг 1 январь куни соат тахминан 18:40 атрофида Жомбой-Булунғур темир йўл бекатлари оралиғида «Афросиёб» тезюрар поезди 39 ёшли аёлни уриб юборган.
«Дарё» мухбири Фарҳод Норбўтаевнинг Самарқанд вилояти ИИБ транспортда жамоат хавфсизлигини таъминлаш бўлимидан олган маълумотига кўра, воқеа Жомбой–Булунғур темир йўл бекатлари оралиғининг 3703-километрининг 3-пикетида (1 пикет 100 метр) Қарши–Самарқанд–Тошкент йўналишида ҳаракатланган 759-сонли «Афросиёб» электропоезди Жомбой туманининг «Сўхмон» маҳалласи ҳудудидан ўтаётганида содир бўлган.
Ҳодиса Жомбой тумани «Қудуқли» маҳалласида яшовчи Ш.А. исмли аёл темир йўлни белгиланмаган жойдан кесиб ўтаётганда уриб юборган. Оғир тан жароҳати олган аёл воқеа жойида вафот этган.
Аёлнинг ўлими бахтсиз ҳодиса деб топилгани учун ушбу ҳолат юзасидан жиноят иши очилмаган.
Эслатиб ўтамиз, 5 январь куни Нукусда қулоғида наушник бўлган ўсмирни поезд босиб кетган эди.
Изоҳ (0)