Яманда дунёга келган ва зудлик билан хорижда даволанишга муҳтож бўлган ўғил бола Сиам эгизаклари 9 февраль, шанба куни вафот этди. Бу ҳақда Reuters агентлиги хабар бермоқда, деб ёзади «Газета.ru».
Икки ҳафталик Сиам эгизаклари Абдул-Ҳолиқ ва Абдул-Раҳимни Яман пойтахти Санада даволаган шифокорлар эгизакларни ҳарбий ҳаракатлар сабабли соғлиқни сақлаш тизими ишдан чиққан мамлакатда қолдириш мумкин эмаслиги, уларни хорижда даволатиш зарурлигини таъкидлаган эди.
Сана аэропорти 2015 йилдан буён фуқаролик рейслари учун ёпилганлиги сабабли уларни хорижга жўнатишнинг имкони бўлмади. Ҳудуд саудийлар томонидан назорат қилинади. Учиш-қўниш йўлагидан фақат БМТнинг фуқаролик самолётлари фойдаланиши мумкин.
Эслатиб ўтамиз, эгизаклар январь ойида мамлакат пойтахти, Сана шаҳрида дунёга келган эди.
Изоҳ (0)