Ойга учишни симуляция қилиш бўйича SIRIUS номли ерусти тажрибаси 19 мартда Москва шаҳрида бошланади. Бу ҳақда SIRIUS лойиҳаси директорининг ўринбосари Марк Белаковскийга таяниб, «РИА Новости» хабар берди.
Хабар берилишича, тажрибада олти киши қатнашади, командир космонавт Евгений Тарелкин бўлади. Бундан ташқари, экипаж таркибига россиялик шифокор, камида икки нафар хорижлик, 2—3 нафар қиз кириши керак бўлади.
Иккинчи тажриба давомида экипаж ерусти тажриба комплексига тўрт ой қамалади. Тажриба сценарийси ўз ичига Ойга учиш, орбитал станциядаги иш, Ернинг табиий йўлдошига қўниш ва унинг юзасидаги иш, станцияга қайтиш ва Ерга қайтиб учишни тақлидини олади.
SIRIUS тажрибасининг биринчи босқичи 2017 йилнинг ноябрь ойида бўлиб ўтган ва 17 сутка давом этган. Тўрт ойлик босқичдан кейин 2019 йилнинг охири ва 2020 йилда саккиз ойлик босқични ўтказиш кутилмоқда. Бир йиллик бошқични ўтказиш эса 2020—2021 йилларга мўлжалланган.
Изоҳ (0)