Ўтган йили Украинада қизамиқ билан касалланганлар сони бутун Европаники билан таққослаганда кўпроқлиги аниқланган, дея хабар беради «Корреспондент».
Бутунжаҳон Соғлиқни сақлаш ташкилоти маълумотларига кўра, Европада қизамиқдан касалланганлар сони 2018 йилда 82 минг кишидан ошган, бу эса ўн йилликдаги энг катта кўрсаткич саналади. Касаллар улуши Украинада ушбу рақамнинг ярмидан кўп — 53 мингдан ортиқ.
Касаллик оқибатида вафот этганлар сони Европада 72 кишини ташкил қилади, шундан 16 нафари Украинада.
Мутахассисларнинг фикрича, касалликни бу қадар авж олишига паст даражадаги вакцинация сабаб бўлган.
Изоҳ (0)