Twitter илк бор йилни фойда билан якунлади

Twitter 2018 йил якунлари бўйича молиявий ҳисоботини эълон қилди. Бу ҳақда Meduza хабар бермоқда.

Компания тарихида илк бор йил фойда билан якунланди. Фойда миқдори 1,2 миллиард долларни ташкил этди.

Шу билан бирга, Twitter ойлик аудиторияси 330 миллиондан 321 миллион фойдаланувчигача камайганини маълум қилди. Компания буни сиёсий «троллар» аккаунтлари блокировка қилингани билан изоҳлади.

Компания кўрсаткичлари инвесторлар кутганидан паст бўлди, шу сабабли 7 февраль кунги савдоларда Twitter акциялари қийматининг салкам 10 фоизини йўқотди.