8 февраль куни ўз даврида америкалик қонун чиқарувчилар орасида энг кўп хизмат қилгани билан рекорд ўрнатган АҚШ демократик конгресcининг собиқ аъзоси Жон Дингелл 93 ёшида вафот этди. Бу ҳақда «ТАСС» хабар берди.
У Конгресс қуйи палатасида 1955 йилнинг декабридан бошлаб 2015 январь ойигача 59 йил-у 21 кун давомида Мичиган штати манфаатларини ифодалаган.
Худди шу штат палатаси вакилларидан бўлган Жон Дингеллнинг рафиқаси Дебби Дингеллнинг айтишича, у Детройт шаҳар чеккасидаги Дирборндаги уйида вафот этган.
Дингелл 2013 йилнинг ёзида Капитолий тепалиги (Конгресс)да 57 йил-у 176 кун ишлаган Жон Роберт Бердни ортда қолдирган. Умрининг сўнгги йилларида у мустақил юра олмай қолган ва Конгресс бўйлаб электромотор ўрнатилган ногиронлар аравасида ҳаракатланган.
Палатада фаолият юритган пайтида тиришқоқлиги билан машҳур бўлган ва ҳамкасблари томонидан «Юк машинаси» деган лақаб олган. Бу унинг АҚШнинг «автомобиль пойтахти» бўлмиш Дейтротнинг чекка шаҳарлари биридан сайланганини ҳам эслатиб турган. Айнан у 2018 йилда АҚШ автомобиль саноатини иқтисодий-молиявий инқироз давридан чиқиб кетишига ёрдам берган.
2014 йилда Конгрессга бўлган сайловларда унинг ўрнини ўтган йилнинг ноябрида 65 ёшга тўлган рафиқаси Дебби Дингелл эгаллаган. Дингеллар оиласи Капитолия тепалигида 80 йилдан ортиқ вақт давомида ўз ўрнини сақлаб келмоқда. Унинг отаси ҳам 1933 йилдан 1955 йилгача Палата вакиллигида ишлаган.
Изоҳ (0)